Jodi a, Ayiti bezwen aktivite ki leve lespri moun, ki lage kreyasyon chak atis, chak moun k ap kreye yon lòt mond. Se nan moman sa a vwa yon powèt tankou Martenson Métayer pran tout sans li.

Powèt la fèt 23 jen 1985 nan lokalite Gwàn-Atrèl, 4è seksyon vil Pòdepè. Martenson ap kontinye trase chimen l ak 7e rekèy powèm li ki pote yon non ki frape konsyans : « Peyi san trip ». Se pa yon senp liv tèks ki mete ansanm : se yon gwo flèv pawòl, yon chante doulè ak rebelyon men longè, kote chak powèm louvri ak menm batman kè : « Peyi m san trip ».