Nan powèm Solèy Gede Widly Jean ekri a, powèt la mete limyè sou reyalite lavi a ak tout kontradiksyon li pote. Avèk yon langaj popilè, imaj pike, senbòl Gede ak yon touch griyen dan, li denonse ipokrizi, enjistis sosyal, mizè ak mechanste ki makonnen ak lavi chak jou. Powèm nan fè nou reflechi sou soufrans malere yo, sou lanmou yo toufe anba mechanste sosyete a, epi sou lavi ki kontinye woule malgre tout kalamite. Se yon pwezi ki pote mak kilti kreyòl la, ki sèvi ak lespri Gede pou devwale verite moun souvan pa vle gade anfas. Se yon omaj pou Félix Morisseau-Leroy, youn nan gwo vwa ki te bay lang kreyòl la plas li nan literati.

Ochan pou Félix Morisseau-Leroy